Naaresto na daw sa Malaysia si Dennis Sytin, ang itinuturong mastermind sa pagpatay sa kaniyang kapatid na si Dominic Sytin noong 2018.
Matatandaan na itunuro ng nahuling gunman na si Edgardo Luib itong si Dennis Sytin na siyang mastermind sa nasasbing pagpatay sa businessman, at kapatid nya, na si Dominic Sytin. Ayon kay Luib sya ay kinontak ng kanyang kaibigan na si Ryan Rementilla, aka Oliver, upang patayin si Dominic Sytin sa utos na rin daw ng mastermind na si Dennis Sytin.
Nailathala na din natin dito noon ang tungkol sa kasong ito. Madaming mga butas at agam agam kung totoo nga ba talaga ang mga ipinaratang ni Luib kay Dennis sapagkat lumabas din sa isinagawang imbestigasyon ng NBI noon na walang bahid ng anomang ebidensyang direktang magtuturo kay Dennis bilang mastermind sa krimen na ito. Sumailalim noon sa polygraph test si Dennis sa ilalim ng NBI at sinabi nga ng ahensya na negative ang resulta nito.
Nitong nakaraang Enero din ay naglabas ng statement itong gunman at sinasabi na walang kinalaman si Dennis Sytin sa krimen na ito kaya lalong lumalakas ang agam agam kung totoo nga bang siya ang mastermind o may gusto lamang magdawit sa kanya sa krimen na ito.
“I made a grave mistake, and I can no longer carry the burden of my false declaration,” Luib said. “Mr. Dennis Sytin is not responsible for his brother’s death. I hope this is my way of showing repentance.” from EuroTVPH
Ngayon nahuli na si Dennis Sytin at Ryan Rementilla, dapat lamang na malinawan na ang kasong ito, dapat din tingnan maigi ang pagbabago ng statement ng gunman na si Luib at alamin ang katotohanan. Kung walang kinalaman si Dennis Sytin, dapat lamang na mapawalang sala ito sa krimen na hindi naman siya sangkot at panagutin ang totoong nasa likod ng pagpatay na ito.
Abangan natin ang mga susunod na mangyayari sa kasong ito at sana ay maresolba na upang mabigyan na din ng hustisya ang pagkamatay ng businessman na si Dominic Sytin.
