Patay ang tatlong batang na-trap sa sunog sa Barangay Mambaling, Cebu City, Sabado ng umaga. Edad anim, apat at tatlo ang mga biktimang naiwan sa bahay dahil nagtatrabaho ang kanilang ina habang kinuha naman ng ama ang kanilang e-trike sa ibang lugar.
Kinilala ang mga nasawi na sina Sachna Lexy Siaboc, 6; Razan Kyle Siaboc, 3; at Athena Lexy Siaboc, 3, na natagpuan sa loob ng kanilang kwarto sa ikalawang palapag ng kanilang bahay.
Batay sa inisyal na imbestigasyon, sinubukan ng ina ng biktima na si Ynica Marie Siaboc na iligtas ang kanyang mga anak ngunit nahirapan na ito sa lakas ng apoy.
Inaalam pa ang sanhi ng sunog at ang halaga ng pinsala.
